Wikipedia

Eman izena wikilari izateko prestakuntza saioetan

Sarean euskaraz euskarazko kultura digitalaren jardunaldietan, Wikipediak garrantzi handia izanen du, eta jardunaldi horietarako aurretiko prestakuntza eskainiko zaie Nafarroako ikastetxeetako DBHko 4. eta Batxilergoko 1. mailetako ikasleei. Helburua euskarazko Wikipedian Nafarroarekin loturiko gaien inguruko artikuluak sortzea edo hobetzea da, eta, horretarako, wikilari izateko prestakuntza saioak jaso ahal izanen dituzte ikasleek. 

Prestakuntza saioak doakoak izanen dira eta ikastetxean bertan eskainiko zaizkie ikasleei, bi saiotan banaturik, urrian zehar. Euskal Wikilarien Kultura Elkarteko kideek emanen dituzte saioak, eta, horietan, artikuluak prestatzen eta Wikipediara igotzen irakatsiko zaie ikasleei. 

Prestakuntza saioak ikastetxean bertan jaso ahal izateko, ikastetxeek izena eman behar dute, inprimaki hau betez, irailaren 20 baino lehen.