Albisteak

Zabalik da Sarean Euskaraz jardunaldian izena emateko epea

2019-09-06
Sarean Euskaraz jardunaldiaren III. edizioa urriaren 29an

Iruñeko Baluarte Jauregia Informazio eta Komunikazio Teknologia berrien gune garrantzitsu bihurtuko da urriaren 29an, eta bertan sarean euskaraz gozatzeko aukera bikaina izanen duzue. Ez galdu aukera!

Wikikastetxe izan nahi?

2019-09-11
Abian da Nafarroako D ereduko ikastetxeetan Wikipediaren bidez hainbat konpetentzia lantzeko egitasmoa.

Eskerrik asko Sarean Euskaraz II. jardunaldietan izan zareten guztioi

2018-11-15
2018ko azaroaren 6an eta 7an Sarean Euskaraz jardunaldiak izan ziren Baluarten, eta bertan Nafarroako hainbat ikastetxetako DBHko 4. eta Batxilergoko 1. mailetako 1.000 ikaslek parte hartu zuten. Gazteek gogotik gozatu zuten eta teknologia berrien inguruko trebakuntza garrantzitsua jaso zuten. Wikipediaren inguruko prestakuntza eman zitzaien eta artikulurik onenak saritzeko lehiaketan ere parte hartu zuten; sareko euskarazko hainbat proiektu ezagutu zituzten (Lehen hitza euskaraz, Ahotsak.eus, Booktegia…) eta tailer edo lantegi interesgarrietan aritu ziren (errealitate birtula, Rasperry Pi, musika sortzeko aplikazioak, bideo mappinga, harremanak 3.0 eta abar). Arratsaldeko saioetan teknologia berriekin lotutako hainbat mahai-inguru eta hitzaldi izan ziren.

Mila ikaslek baino gehiagok parte hartuko du Sarean Euskaraz IKT jardunaldietan

2018-10-10
Jardunaldiak azaroaren 6an eta 7an egingo dira, Baluarten, eta Wikipedian artikuluak sortzeko ikastaro bat barne hartuko dute